Heim Beint á efnisyfirlit síðunnar

Örfá pláss í boði í blásarafornám

16.08.2019 16:15

Boðið verður upp á blásarafornám fyrir nemendur í 2. bekk (f. 2012) næsta skólaár.

Námið fer þannig fram að nemendum í 2. bekk grunnskóla er kennt á tré- og málmblásturhljóðfæri í 20 mínútna einkatíma í hverri viku, gjarnan á skólatíma ef hægt er að koma því við. Þá er hóptími einu sinni í viku í 30 mínútur í senn þar sem þrír nemendur koma saman. Í einkatímunum eru kenndar nótur og grunnatriði á það hljóðfæri sem barnið lærir á.

Nemendur hafa ekki val um hljóðfæri en reynt er að velja vini saman í hljóðfærahópa. Blásarafornámið er árs nám.

Kennslan er í höndum reynslumikilla hljóðfærakennara. Nemendur sem taka þátt í blásarafornámi geta valið sér hljóðfæri að eigin vali eftir að blásarafornámi lýkur líkt og þeir hefðu gert eftir hefðbundinn forskóla.

Áhugasömum er bent á að sækja um á heimsíðu tónlistarskólans tongar.is eða hafa samband við skrifstofu í síma 591 4500 til að fá frekari upplýsingar

 

 

Til baka
Hafðu samband