Heim Beint á efnisyfirlit síðunnar

Skólastarf í TG til og með 1. desember n.k.

20.11.2020 17:25

Einkatímar þ.e. hljóðfæra- og söngtímar verða með sama sniði og verið hefur, en skólinn getur nú aftur boðið upp á hópkennslu samkvæmt stundaskrá í tónfræðikennslu - rythmadeildarsamspili, samsöng og strengjasveitum.

Kennarar tónfræðigreina í framhaldsáfanga (hljómfræði, tónlistarsaga og tónheyrn) verða í sambandi við nemendur varðandi fyrirkomulag kennslunnar.

Við getum aðeins verið með æfingar hjá A blásarasveitinni, en verðum að bíða með C sveit og Stórsveit vegna fjölda nemenda í þeim sveitum. Margir þeirra eru eldri en 16 ára þannig að við getum ekki haldið fjarlægðartakmörk og ekki er hægt að spila á blásturshljóðfæri með grímu.

Suzukihóptímar fara einnig aftur af stað en án þátttöku foreldra líkt og Suzukihljóðfæratímarnir.

Frétt af heimasíðu stjórnarráðsins:

Heilbrigðisráðherra hefur ákveðið að draga úr takmörkun á skólastarfi í tónlistarskólum og auka þannig svigrúm til tónlistarkennslu. Tónlistarskólum verður heimilt að sinna einstaklingskennslu en halda skal 2 metra reglu milli starfsfólks og nemenda. Hámarksfjöldi verður sambærilegur og í grunnskólum; 25 hjá eldri nemendum, þ.e. í 5. - 10. bekk en 50 hjá yngri nemendum. Tveggja metra reglan gildir um nemendur í 8. - 10. bekk en ef víkja þarf frá henni skulu notaðar andlitsgrímur.

Foreldrar og aðstandendur skulu almennt ekki koma í tónlistarskóla nema brýna nauðsyn beri til. Aðrir en starfsmenn sem koma í tónlistarskóla, svo sem vegna vöruflutninga, skulu bera andlitsgrímur.

Ráðstafanir skulu gerðar til að þrífa og sótthreinsa byggingar og búnað eftir hvern dag og milli  einstaklinga og hópa í sama rými. 

Reglugerðin hefur verið send Stjórnartíðindum. Hún tekur gildi við birtingu og gildir til og með 1. desember.

Til baka
Hafðu samband